زي الغريب عايش , و سط أقرب الناس
هو الغريب خايف , و لا بيحسد الناس
دا الغريب ... القريب عنده غريب , و الغريب عنه بعيد
عايش زي الغريب , يعني عيشته دايماً بعيد
صوته دايماً منزوي , و جوا صدره قاعد ملتوي
في ركن قاعد وحده حزين , و عمره ما فكر غير في القديم
القديم هو ذكري عايش جواها , عايش حاضرها , من زمن بعيد
يعني الحاضر عنده ماضي , و الماضي هو ماضي
ماضي عاش وادفن من زمان , سواء كان حبايب او جيران
بس هو لسه عايشه , عايشه بس في القساوه
عايش في مراره بس و مافيش هداوه
يا غريب ارجع و عيش الحاضر
و لا القديم هيرجح , و لا هتصلح الماضي
خليك عايش حاضرنا , و عيش معانا
ابدأ بخاطرنا , و أبدأ مـ البداية
أبدأ بداية جديدة بعيد عن الأحزان
سيب غربتك في ماضي راح مع الايام
عيش الامل , عيش الحياه
دا حتي الجبل بيخضر مع الأيام
مش عيشتك هتبقي صحرا حرام
عيش الخضار , ابدأ طريقك بالعمار
سيب الزمن يداوي جرحك , و سيب الأمل يبقي صاحبك
خلي الطريق قدامك منور , بنور الأمل و أتعب و دور
هي الحياه ايه غير صراع ؟
هي الحياه ايه غير صراع ؟
يا نكسبه , يا إما الضباع تنهش في لحمك
تنهش في كدك , تنهش في تعبك
يا تسكتلهم , و تضيع حياتك , و تعيش غريب , من غير قريب
او تحارب و تكسب حياتك , و تعيش بنور أمل ما يطفيش...
0 التعليقات:
إرسال تعليق